到最後一天已經沒有十分想去的地方了，就去淡水懷舊一下。今次走到海邊人行道的盡頭。
左手面剛好有個漫畫展。
去機場之前去了市政府站的阪急，行個圈兼吃個辻利刨冰。
桃園機場的T2新了很多，比以前大了許多，以後去機場上機之前可以行街買下野。
台灣的地方比香港舒服得多，人少而且比較簡單（我個人覺得），這是我喜歡台灣的一個原因。
今日去國立故宮博物院，為的是希望看看富春山居圖。上次來的時候是坐紅30（直接到停車口），今次坐了另一輛，落的時候是正門對面馬路。
最後一次可以用青年卡買到半價入場券。
本來以為可以見到真跡，而事實卻是：沒有了。原來真的只是放到7月尾！！實在太大意了！最後只有看到子明卷……
走就坐到了棕車，可以到劍車站，這是我第一次來到這個站！而且可以直接去到木柵而不用轉車！
在木柵出站見到這座廟，對面的站就是去深坑的站。
去到深坑。下車就見到的大樹。
基本上只是一條很短的街，比九份更短更短。
太熱了。吃了個雪糕，NT30。這裡還有豆花。
本來因為很熱，已經不打算吃豆腐的，不過又覺得一場來到不吃又好似有點兒那個，所以最後都幫襯吃了一串燒豆腐，NT30，很香。不過如果冬天吃的話一定更好。
坐車回到木柵再坐一個站去貓空。感覺跟香港的纜車一樣，不過更抵坐，NT50坐到山頂，坐了很久。
出站就會見到的食店。這裡除了吃，就是風景。
行了一公里多的路，竟然是夠鐘關門！
回到山下，因為動物園線要經過忠孝復興，就去敦化吃個東區粉圓做晚餐，再行行附近和地下街，以及百貨公司。
忘了帶紙巾，就買了7仔牌，NT16有10包。
深坑買的，跟下一天到淡水見到的一樣，大家的貨源都很相似。
見不到真本，只好買個複製的欣賞一下。
早上就去買火車票到基隆，因為今天的目的地是野柳。
下一班去基隆的自強是12點多，莒光是11點多，而現在是9點多！所以我決定坐區間好了。
一小時車程，就在基隆火車站吃一份早餐。（下面的不是我點的，誰有興趣吃這個早餐﹖）
這才是我的早餐！
基隆港也在這裡，這是軍艦嗎﹖
去野柳的車站就在車站出口加方的天橋，走到對面盡頭下去。這是回程下車的位置。
都是海邊，卻是到了野柳！超過半小時就到了站，向下走一分鐘就到海邊，但是野柳公園要繼續沿路走到盡頭。
最多人的景點，也要排隊拍攝的女王頭！非常忙碌的女王！
乾了的龜！
女王的另一面。
在野柳公園裡放狗！真的有詩意！
這就是下車的地方，有大大的牌提示，而且司機也會門口說到站的（其他站司機都沒有開口提示）。
其實野柳公園很大，我只行了一半的地方（燈塔都未到最盡頭，何況我還未去到），不過它有路的地方不是很多，如果一定要去那些「石」，就要行「沒有路」的路，就是有警告牌表示會有危險的地方。很危險就未必，不過一來在那些「路上」出事，我相信保險是不會賠錢的，第二，當天實在太曬，我行了個多小時就已經很辛苦，而公園裡面是沒有汽水機的（不想有垃圾﹖），我也沒有帶水入去，就行了一半走了。
坐公車回去基隆，一場來到，就在火車站附近行行走走了。
冒險王哥哥。
旅遊書都有的餅店，我吃過蛋黃酥，十分香的！做手信十分適合。
回到台北火車站，順路行行2樓微風，然後見到這個：
以前住過幾次天成都沒有見過的﹖原來只不過是以前近火車站的地下街重新包裝！不過我在裡面的誠品又有收穫。
出去行到去良品，中間經過第5家佳佳時，就見到了丁太隻碟！388！！
微辣，都頗辣囉。
這次已經不是我第一次去台北。所以都想盡量找找以前自己沒有去過的地方。不過到達台北之前，就已經發現新事物。
首先，第一次，我從來沒有試過在香港的「衛星塔」上機。原來已經有早上7時已經開門營業的店！
下機取房之餘，就是去一次過買所有要買的手信，這樣以後3天都可以放心去想去的，所以今天用了一天任用的捷運卡，在台北捷運上來來去去。
黃昏到了5分埔。我經捷運後山碑而非松山火車，除了今天用的是一日卡，要盡用之外，還有的是我想先行5分埔，再行饒河街，2處地方我都沒有到過！
十分整齊而且行得舒服，性質似女人街，但是我比較喜歡這裡。
5分埔之後，經過松山火車站。
不遠就見到一座廟，也就是饒河街的入口。
很好吃的花生冰，NT50，下次再去的話我想吃曲奇餅冰！
西門町買的，因為這次酒店就在西門町。
龍山寺的八仙果，香港比較貴，台北大約4/5價錢。
忠孝敦化吃過鼎泰豐之後走幾步的誠品。
因為用了一日卡，就索性去中山行了蘑菇。
台北車站三越後面的光南，買了NT458，我之前走了4家佳佳都沒有，所以都買了，然而後來無意見到第5家佳佳，卻見到賣NT388！！實在太過份了！
今天一次過買了所有想買的，也是花錢最多的一天。
今天的路線大概和我上一次DAY1的路線差不多。早上先去博物館。因為我唔太舒服，所以只拍了些少照片。
車上的都是假人！
出黎食番個包。
去孫中山博物館途中見到翠華！之前都沒有見過，可惜食左包，否則入去食番餐先！
孫中山博物館後的一段路。原來有人住的！（上次都唔覺）住在這裡都幾麻煩，出出入入都比人CHECK住，又多遊客出出入入。不過條路好靚囉！
之後田子坊，囡話想食丹，因為未來過，都搵路搵左好多時間。
人來人往都照瞓！勁！
個甜品最好食！好甜！
因為好熱，又返酒店沖個涼再出發。拍多次房間的照片，真係幾OK。
行書城見到丁太的大陸版CD，係簡體字！！！仲比港版便宜！
去靜安寺行街街，竟然見到北極星！！！真係大阪既北極星！！！真係唔知道大陸都有分店。就係久光百貨（大陸SOGO??）的地牢。
大陸分店係飲清島啤嫁。
今晚就上去環球金融中心睇夜景。
因為囡囡個復活節假期好短，所以今次只有3日。第3日早上本來想去中國館，問過酒店RECEIPT個哥哥，佢話入到去的機會好微，結果去到真係好多人，所以都冇入到去。再四圍行下街就出發去機場了。或者再有長DD的假期都會再來上海的，至少今次的感覺比上一次好，而且上海的交通都幾方便。不過去浦東機場一定要坐磁浮，因為走的時候坐番普通的地鐵，結果幾分鐘的磁浮，卻用了一個鐘時間才坐完了普通車！！！實在是一個深刻的教訓。
這一次來上海是為了陪囡囡的，因為上一次我來上海的時間只是數個月之前。因此，這次拍的照片比較少。
另外，上一次來的時候，我對上海的印象不很好，可是這次感覺上好得多，應該是因為上次世博使整個上海多了很多人，而這次世博已經完了，同樣景點的人相對也少了，遇到的不禮貌都相對少了（這樣的推論十分合理吧
） 。總之，印象中覺得好了。
機場翠華，過關後才慢慢食早餐！
今次BOOK了四季，地方比較大。
首先食個佳家湯包。
再食一個小楊生煎。
然後去豫園。
超級肥美。
入口，印象中覺得加左價。
今次四月來，上次七月來的時候景色沒有這次的美。可能現在還是春天吧！
行完就返去南京步行街找吃的，沈大成的酥皮月餅（上次我食過最好食的），仍是2.5RMB一個。好抵食！
今次再上明珠塔，比上一次快得多，而且沒有那麼混亂，大概本來的秩序並不是如上一次的糟糕，只是我來錯了時候。
這次又寄了名信片，但是回港之後卻從從來沒有收到。囡囡話我們應該貼少了郵票。
上海的夜景其實也不錯，不過她光亮的「長度」沒有香港的長（只是集中在黃埔江口的一段），可能就是一般人比較所謂繁榮的標準。
前3日都係大阪入面，今日張周遊券亦用完（第2、3日），於是今日去京都。
先買左巴士券，因為多數地方都要巴士，京都好多地方都冇地鐵站。
京都塔留番晚上先去。
坐車一到站就係銀閣寺橋。
沿途有食有買，係郵局買左幾套郵票添。
銀閣寺入口。
寺院山水行一圈已經完，參觀仲有好多人，所以唔留太久。
行左一陣哲學之道，因為太早，仲未有櫻花。
哲學之啤。
辛苦了人力車哥哥。
搭番車番轉頭，由五條坂上清水寺。
上面次次都係咁多人排隊，所以都係於旁邊的店買一枝，都係同樣的靈水。
落番黎就入去地主神社。
成1000YEN的神砂﹖！
走就沿三年坂同二年坂落。
學下忍者亂太郎，食番份丸子先！
行到去八坂神社。
穿過神社到祗園。
見到佢啦！好想食茶寮都路里的雪糕！雖然係冬天，都要食！！但係上到去好多人，所以被逼放棄！！
去到鴨川，又覺餓，食個天下一品。
因為預得一日，所以路過花見小路同埋鴨川都冇行，希望下一次再有機會來京都的時候可以慢慢行。
行到去河原町，行陣街兼找大丸。
本來仲想去二條城，不過已經過左時間，只好放棄。
返去京都驛，突然記起伊勢丹有都路里（上次來京都時見到過），所以一定要食！！終於都食到了！！
食完就上京都塔。
印定COUPON，所以有得打折。
個塔雖然唔高，不過京都既建築本身都差唔多，所以個景都好好。
蓬萊包包好食，今次就食恐怖之燒賣。
晚餐當然要飽D，再加個松屋就差不多了。
今日想去食元祖油豆腐烏冬。
經過藥房同TOKYU HANDS都順便行行同買野。不過係TOKYU HANDS買野同佢講想開張會員卡的時候就出事了！因為個職員堅持要聯絡個繙譯，用左好多時間先走得。
囡囡話好食，冬天都可以，夏天一定受不了！因為好好好熱！
下一站係天王寺動物園。周遊券包入場的。
鹿鹿等餵食，個哥同妹都好得意。
行過去四天王寺，又係周遊券包入場。不過因為時間近收工，有部份地方入唔到去了。
我地係這個館當天最後2個客。
龜井堂。
再去就係通天閣。
就食上圖右面的王將，多數客人都係D上左年紀的人。
上到塔的時間剛好係日落。
落番黎又夜晚了！
番去心齋橋搵北極星食元祖蛋包飯，因為囡囡鍾意食雞蛋。
這個是SET，佢的SET好少，多數都係散叫，因為唔識日文，所以都係叫SET就算。而且日式座位，都坐得唔係好習慣。個飯靚到好似膠咁。
第2日想去大阪城，出地鐵之後就見到歷史博物館，一陣返轉頭再去。
大阪城前的公園，好多人放狗。
350YEN雪糕，小食亭買的。
小火車，買左周遊券就包坐，當然要坐下，但係竟然搭錯車，出番城！結果又要行番入去……好在係冬天，夏天就慘了。
大阪城天守閣。
閣上面看出來的風景，入面有D展覽，不過唔可以拍照。
公園的墨魚丸，加上個景，凍凍地幾好食。
出番去就會見到個廟，入去看看。
因為唔識拜，看了看就走了，中途有這個西之丸庭園，因為券包了入場費，又入去看看。
入到去發現……乜都冇！！！原來佢係以前將軍個大婆的屋（個大婆冇眼睇所以係出面自己住﹖！）宜家就畀人入去賞櫻，但係2月邊有櫻，所以就乜都冇。但係佢仲開畀人入去！！好彩唔駛畀錢，如果畀錢要200YEN一個人的！！我地見到有其他人入左黎先發覺乜都冇，30秒就走人了。
去左博物館，入面好多野都係不可以拍照的！不過佢睇出面的景都好好睇。
館內的模型，好得意。
仲有電視台，佢入面有得睇節目錄影的，但是當時冇節目，所以乜都冇得睇。
搭地鐵去淀屋橋，食柴藤的鰻魚飯。
個肝湯幾有趣。
因為太夜，所以美術館同公會堂都入不到去了。
不過個圖書館就可以入去，遊客都畀入去，就去看看。
行個圈，就返梅田去空中庭園。中途YODOBASHI有JUMP，又同囡囡買玩具。
出番去行一段路，再穿過隧道就去到空中庭園。
香港已經睇過的小飛B。
空中庭園下面有野食，不過又係因為夜好多都已經關門大吉。不過做定功課，笑來美餅仲有得食！我仲印定COUPON，堂食同買手信都有打折！
磨餐死，都係得少少粉……
行番去摩天輪，因為周遊券又有打折！
食番個甜品，佢D SAMPLE同真的一樣咁靚！
番去酒店前，再係道頓堀食個麵。麵店大多數都開到好夜，最好係出完一日街返酒店前先去食。
今晚食四天王。D味比神座濃，神座係我覺得幾個品牌之中最清的一家。
宵夜。
